Padayon nga ginpakusog han Philippine National Police Anti-Cybercrime Group (PNP ACG) an ira kampanya kontra ha mga indibidwal nga nagamit han internet agud magpakalat hin hulga hin bomba ha mga eskwelahan ngan komunidad.
Ginsisigurado han PNP ACG nga an mga nagpapaluyo han mga panarhug in nakilala na ngan ginpasakahan hin kaangayan nga kaso.
Tikang han Enero, walo na nga kaso hin online bomb threats an ira iginsalawad ha korte.
An pinakabag-o nga insidente amo an dida han Hulyo 8, 2026 kun diin sunod-sunod nga bomb threats an nahipatik ha mga eskwelahan ha Cavite.
Nagpost an mga suspek ha social media nga nagtanom hira hin bomba ha pira nga eskwelahan.
Utro nga nagpahinumdom an PNP ACG ha publiko nga an hulga hin bomb jokes o panarhug, ha social media man o bisan ano nga klase hin messaging apps in may baratunon ha ilarum han balaud.
An mga nagpapaluyo han bomb threat in pwede mapreso hin maabot lima katuig ngan kabaraydan nga maabot P400,000.
