TACLOBAN CITY- Ginpahibaro han Land Transportation Office Region 8, nga gintikangan yana nga adlaw hiton Oktobre 28 an ira Plate Distribution Activity, ngan maghuhuman naman ine ha Oktubre 30 yana nga tuig.
Sumala kan Emmanuel Jake Cañete, Admin Officer lll, OIC Plate Unit LTO VIII, gin-iimbitaran nira an mga drivers partikular na adton waray pa mga plaka, nga kumuha na yana nga adlaw.
Para han mga makuha, magdara la han mga requirements agud nga ma-claim nira na ira mga plaka.
Dad-on an Original Certificate of Registration (CR) & latest Official Receipt (OR),Photocopy of CR & latest OR, Photocopy of Valid ID of the registered owner.
Para naman han mga prokse nga makuha kinahanglan magdara han, Authorization letter from the registered owner/company/office ngan Photocopy of valid ID of the authorized representative.
Samtang para naman ha mga unit nga waray pa ka transferred, kinahanglan la igpakita an Copy of Deed of Sale, ngan Valid ID of the previous owner.
Na-akomodar gihapon hira hin mga kaso hiton nawara nga CR/OR, kinahanglan la nga igpakita an Affidavit of Loss.
Nagtikang naman nasabi nga distribution of plate number kanina hiton alas 10:00 han aga ngan naghuman ine kanina han alas 3:00 hiton kulop.
Magpapadayon naman ine ha kutob ha Oktubre 30, ha usa nga mall nga nahihimutang ha Marasbaras Tacloban.
