TACLOBAN CITY – Gintikangan na yana nga bulan han Enero tuig 2024 ha siyudad hiton Tacloban, an pag-implementar hiton “Plastic Bag Reduction Ordinance.”
Panuyuan hine nga nasabi nga ordinansa, malikayan iton polusyon durot hiton mga plastic ha karibungan.
Sumala kan Atty. Jerry Uy City Councilor han Tacloban City, nga bisan man nagtikang na hapagkayana iton nasabi nga ordinansa ha siyudad, gintagan nira hin 9 ka-bulan nga palugit iton mga magtirinda nga apektado han balaud nga maubos iton ira bug-os nga plastic ha ira imbentaryo.
Ine gihapon nga palugit nga ginhatag han siyudad, in agud nga makag-adjust gihapon iton publiko ha pagdadara ngan pag gamit hiton mga eco-bags, bayong, ngan paper bags kun namamalit an mga ine ha mga tindahan.
Nagpahimatngon naman an mao nga opisyal, ha mga manirinda ngan business owners nga kahuman hiton 9 ka-bulan nga palugit in magtitikang na ine pan-ikspeksiyon ngan panmulta ha mga madadakop nga magamit hin mga single-use plastics.
