NATIONAL NEWS– Nakapaghipatik hin haros 500,000 nga mga pasahero an Paranaque Integrated Terminal Exchange (PITX) ngan an mga ine in mauli ha ira tagsa-tagsa nga mga probinsya 4 ka-adlaw ugsa an eleksyon.
Ha datos han PITX, tinikangan han Mayo 5 kutob han Mayo 7, nakapaghipatik na an mga ine hin kabug-usan nga 503,027 nga mga pasaheros.
Kadam-an ha mga biyahero in pakadto ha Bicol, Batangas, ngan pira ha mga ine in biyahe pakadto Norte.
Ginlalauman naman nga masaka ha 1.3M nga pasaheros an matatagan hin serbisyo hiton PITX tinikangan ha Mayo 13, adlaw nga ginlalauman nga man-ngunguli an mga botante.
Mahugot naman an ginpapatuman nga seguridad ha terminal kun diin padayon nga ginpapagbawal an mga magtarom nga butang ngan sugadman mga flammable items.
