TACLOBAN CITY- Kadungan ha syahan nga pag-abre han klase kakulop nga adlaw, nanawagan ha mga commuters an PISTON transport group han Sinirangan Bisayas nga unta suportahan an mga reklamo nga guinpadangat ha gobyerno.
Sumala kan Francisco Penedilla, tagmangulo han PISTON 8 nga an mao nga panawagan in may kalabutan ha pagpugong han guinmamando han gobyerno nga ig- phase out an mga sarakyan nga pampamasaheros nga nag-eedad hin 15 anyos tipaigbaw.
Dugang pa ni Penedilla nga gawas la han mga nag-oopisina ngan mga ordinaryo nga pasaheros, mas damo gud nga mga studyante an maapektuhan han mao nga mandato.
An kaparte han pamahayag ni Francisco Penedilla, tagmangulo han PISTON transport group han Sinirangan Bisayas
Manunumduman kakulop nga adlaw nga gawas la han guinbuhat nga tranport stike ha magkadirudilain nga parte han nasud, nagkamay-ada guihapon hin gios protesta an mga jeepney operators ngan drivers ha mga buhatan han Land Transportation Franchising and Regulatory Board (LTFRB) ngan Land Transportation Office (LTO).
