METRO MANILA – Lumaprak an Philippine peso ha P59 to $1 dida han Biyernes, Marso 13, mahuman an siyam (9) ka adlaw nga pagluya hini kontra dolyar, sumala han datos han Bankers’ Association of the Philippines (BAP).
Naghuman an piso ha P59.735 to $1, mas hitaas hin 35 centavos tikang ha P59.385 dida han Huybes, Marso 12, 2026.
Nahipatik nga an pag-ubos han piso in durot han kombinasyon han mas hitaas nga presyo han lana, mas makusog nga dolyar, ngan utro nga pag-hihirot han mga mamumuhunan tungod ha geopolitical tensions.
Dungan pa hini an nagtitikahitaas nga presyo han enerhiya ngan trade deficit, samtang an global uncertainty in nagduduso han pondo ngadto ha mga safe haven sugad han dolyar.
Posible nga magpabilin nga pabag-o-bag-o an balyoay han piso ha butnga han P59 ngan P59.50 ha masunod nga mga adlaw, depende ha presyo han lana ngan pag-ubos han tensyon ha Middle East sumala naman ini ha pira nga mga economist.
