TACLOBAN CITY- Guin aghat han pira nga unibersidad ha Sinirangan Bisayas an mga studyante nga singabuton nga magpaenroll agud nga makatagamtam han libre nga tuition fee.
Sumala kan Bryan Clarin, Scholarship Coordinator han Eastern Visayas State University (EVSU) nga may guin alutaga nga 93 milliones pesos an gobyerno para ha mga indigent nga interesado nga makatangpos nga makaiskwela ha kolehiyo.
Guin malatumat ni Clarin nga kinahanglan la nga kumuha an studyante hin Certificate of Indigency ha Barangay o Income Tax Return ha Bueau of Internal Revenue ( BIR) kumo resokitos ha pagtagamtam han mao nga bulig han gobyerno.
Samtang, guinduon ni Clarin nga gawas la han tuition fee, kinahanglan guihapon nga bayaran han studyante an miscellaneous fee ngan laboratory ha guin aadman nga kurso.
Mababaruan nga maiha na nga hingyap han mga studyante ha kolehiyo ha Sinirangan Bisayas nga makatagamtan hin free tuition ha luyo han kakurian ha pagpakabuhi.
