NATIONAL NEWS- Naglalaom hi Senate President Vicente Sotto III nga dire madidilatar ha pagpasa iton 2026 National Budget Bill, ha kaluyo han mga pagbabago han liderato han Kamara de Representantes.
Sumala kan SP Sotto , an Senado in magtatrabaho agud nga masigurado nga maipapasa an balaodnon ugsa mahuman an presente nga tuig.
Ine in agud nga matagan hin sadang nga panahon hi Pangulong Ferdinand R. Marcos Jr. Nga pag-adman ngan mapirmahan an nasabi nga budget bill ugsa magtikang an bag-o nga tuig.
Dugang pa hine, kumpiyansa gihapon an Senate leader nga an 2026 budget in magigin malimpyo ngan waray kanit hiton korapsyon.
Nagpahayag naman han iya paglaom hi Senate Finance Committee Chairperson, Senador Sherwin Gatchalian nga dire mababalyuan an presente nga House Appropriations Chairperson nga hi Cong. Mikaela Suansing.
Nagtutuo mangud hi Gatchalian nga an pagpapabilin kan Suansing ha iya posisyon in makakabulig agud nga mapadagmit an pagpasa han budget.
