Gin kumpirma han gobyerno han Pilipinas nga gin aresto an pira nga Filipino nationals mahitungod ha gin aalegar pagbubuhat hin pag-eespiya para ha China, nga tinawag nga usa nga “seryoso nga istoryahon han national security.”
Subay ha National Security Council (NSC), naundang na an operasyon han mga indibidwal nga nagios ha mando han Chinese intelligence.
Bisan man kun waray maghatag hin insakto ngaihap o detalye kun mayda na naisalawad nga kaso, ginmalatumat han NSC nga umamin na an mga dabi ha ira partisipasyon ha espionage activities ngan nakikigbinuligay na ha mga otoridad.
Ngatanan naman han mga nadakop in mga Pilipino.
Sumala ha ira nga security sources, dire maubos ha tulo nga indibidwal an dabi, kun diin usa ha mga akusado in nagpahayag nga syahan hiya nga gin aghat hin usa nga Pinay nga magsurt hin opinion articles kabalyo hin bayad dida han junior staffer pa hiya han Department of National Defense.
Ha pag-iha in mas humaluag pa ini ha paghahatag hin impormasyon kasumpay han West Philippine Sea ngan sumpayan nga pandepensa han nasud, kalakip na an pakikigsumpayan ha United States.
Aminado an suspek nga waray niya dayun mahibarui nga para ha interes han China an iya ginbubuhat, ngan nakurian na hiya nga umatras mahitungod nga nanginginahanglan hiya hin salapi.
Ginbuhat naman ini an aktibidad tikang han 2023 kutob ha 2025, ha butnga han nagtitikaduroa nga tensyon ha West Philippine Sea ha butnga han Pilipinas ngan China.
