TACLOBAN CITY– Ginlalauman na hitron pira nga mga negosyante hiton syudad, nga magigin maupay an dalagan han ira panegosyuhan yana nga semana matungod hiton pagtapo han bag-o nga tuig.
Sumala kan Tacloban City, President Philippine Chamber of Commerce and Industry, Eugene Tan, nga kinada holiday season nakakabawi-bawi an pira nga mga negosyante matungod han pagdamo iton bolyu han mga mamaralit.
Ginkalipay gihapon hine an utro nga pag-abre han San Juanico Bridge, kun diin nakabulig ine ha pagribhong han ekonomiya han syudad.
Mababaruan nga dire la mga taga Tacloban an mga konsumidor han pira nga mga establisyemento han syudad, magin an mga taga Samar ngan Leyte.
Ginmalatumat pa hine nga kun natamak an Holiday season, an panahon nga haros tanan nga mga pamilya in nagsasalin-urog hiton kapaskuhan ngan bag-o nga tuig, nga tradisyun na han mga Pilipino, sanglit ine gihapon nga panahon damo iton kuhida han kada establisyemento.
