TACLOBAN CITY – Naugbaw han sunog an pira nga mga stall ha merkado han Brgy. Sto. Niño Isabel, Leyte.
Sumala kan PMaj. Florando Relente, Chief of Police han Isabel Municipal Police Station, usa nga short circuit an gintikangan han sunog.
Ginkilala an mga nasunogan han stall kanda Dannah Miape, ada ha legal nga pangidaron, ngan residente han Brgy. Sta. Cruz Isabel, Leyte, Grace Canillo, ada ha legal nga pangidaron, Brgy. Sto. Niño., Isabel Leyte, Tiny Barbosa, ada ha legal nga pangidaron, ngan residente han kaparehas nga barangay, samtang an iba naman nga mga vendor owners in gin-a-identify pa.
Basar han inisyal nga imbestigasyon han mga otoridad, nagtikang na sunog dida han pasado ala-12 han maagahon ngan nag deklara naman hin fire-out dida han pasado alas-3 han maagon. Usa nga watchman nga nakaduty ha ira merkado an nakapansin nga nagtikang an sunog ha usa nga water refilling station nga ginpapanag-iyahan ni Tiny Barbosa.
Maabot naman ha MOL P1.5 milyon an kabug-usan nga kantidad han mga nasunog.
Ha pagkayana in padayun pa naman an ginbubuhat nga imbestigasyon han mga otoridad.
