TACLOBAN CITY – Nag-abiso an pira nga mga importers han imported rice hin pag-umento ha presyo hine pero dire daw sugad kadako an ig uumento hine.
Sumala kan Frederick Dy, Presidente hiton Grains Retailers Confideration (GReCon) Eastern Visayas, ada ha P20 ngada ha P30 an ginpasabot haira nga ig uumento han kada sako han bugas.
Ada naman P0.50 an mahidudugang hine ha kada kilo han bugas.
Dugang pa hine, dire ngatanan nga rice importers an nag-abiso, adton mga tikang la ha Thailand nga bugas.
Pero ha iya opinyon in dire daw angay nga mag-umento an mga ine mahitungod nga waray man pagkiwa ha presyo han bugas ha world market.
An nasabi nga umento in mahitungod daw han kakulangan han suplay ha mahitungod nga waray pa harvest season pero dire na daw maiha in magkakamay-ada na utro hin suplay mahitungod nga posible ha katapusan hiton bulan in magtikang na an pag-ani ha pira nga lugar ha nasud.
