TACLOBAN CITY – Iginkalipay naman han pira nga mga regular nga paragtaya hin lotto an pagbabalik ha normal han lotto game operations ng Philippine Charity Sweepstakes Office (PCSO).
Ini in mahuman nga ig-anunsyo han Palasyo nga epektibo dayon kagab-i an pagbabalik han lotto operations.
Sumala kan Pio Campos, usa nga residente han Tacloban ngan regular nga paragtaya han lotto, nagtutuo hiya nga nadabi la an lotto gaming operations mahitungod nga an gin-aalegar nga korapsyon in aada la ha small town lottery o STL.
Ginklaro naman han Office of the President nga nagpapabilin la gihapon nga suspendido a Small-Town Lottery (STL), Keno ngan Peryahan ng Bayan (PNB) samtang dire pa nahuhuman an gindudumara nga imbestigasyon ha alegasyon han ilegal nga aktibidad ngan korapsyon.
Mahinunumduman gihapon nga tikang han suspendiron han Presidente an operasyon han lotto mahitungod ha korapsyon in damo an nagsukna ngan tumipa nga mga lotto franchise operators mahitungod nga nagtutuo hira nga nadamay la ini ha korapsyon ha STL ngan PNB.
