-- Advertisements --
HEALTH – Mga kabombo, kun an pollen, tanom, tapo-tapo, ngan amag in nakakabiling agianan pasakob han aton irong, an aton lawas in makakaabat hin allergy.
An aton immune cells in nagpapagawas hin histamine o kemikal nga responsable ha sintomas han allergy.
Mahuman ini in magtitikang pagkaada hin paghubag ha sinuses ngan agianan ha irong ngan nagkakaada hin pangangatol han irong ngan sugadman ha lalamunan ngan pagbahing.
Damo nga mga pagkaon an nakakabulig para maibanan an allergy ngan mapakalma an immune system.
- Fatty fish – An magtambok nga isda sugad han salmon, sardinas, tuna, tamban ngan mackerel in riko ha omega-3 fatty acids, nga nakakabulig nga maibanan an panhuhubag nga epekto han allergy.
- Lasona – An lasona in hitaas ha antioxidant para ha immune system. Gamita ini nga pamparasa ha imo pagkaon. Pwede gihapon nga tungaon ini ngan sam-samon o tunlon nga baga baga hin tableta kada adlaw.
- Sibuyas – An sibuyas in mayda quercetin, usa nga antioxidant nga nakakabulig para maibanan gihapon an panhuhubag ngan malikayan an pagpagawas han histamine han lawas.
- Yogurt – An benepisyo han live bacteria nga makikit-an ha yogurt ngan iba pa nga mga fermented nga produkto sugad han kefir in makakabulig nga mapabilin an good bacteria ha tiyan.
- Kamote, madahon nga utan, mani, abokado ngan spinach o kangkong. An mao nga mga pagkaon in riko ha Vitamin B ngan Vitamin E.
