TACLOBAN CITY – Nagin mahinungdanon ngan hapsay an gin dumara nga state visit ni Presidente Ferdinand Bongbong Marcos Jr. ha nasud Swirzerland.
Ha nagin panayam han Bombo Radyo Tacloban kan Gemma Bugler Aguilon, Bombo International Correspondent, sobra 700 nga mga OFWs an nagpaabot hin ira mapaso nga pagkarawat ha mao nga presidente. Gin address han Presidente an problema nga kabahin hiton mga Pinoy, nga sisiguradohon iton administrasyon Marcos, nga bubuligan nira an mga OFWs nga mauli ha Pilipinas ngan tatagan nira hin maupay nga serbisyo ngan programa. Pagkukulawon gihapon nira iton mga concerns han OFWs.
Dugang pa ni Aguilon, nagpatapud gihapon hi Marcos nga iya sosolusyonan an mao nga mga concerns han mga OFWs nga naka-destino labot la ha Switzerland pati gihapon ha mga lain nga parte han Europa.
Samtang, dako naman an pasasalamat han Presidente ha mga Pinoy ha Switzerland nga naghatag hiton ira kinasing-kasing nga pagwelcome ha iya.
Nagpasasalamat gihapon hi Marcos ha mga OFWs han Switzerland ngan ha iba nga parte gihapon han Europa nga naghatag hin suporta han iya pagkandidato dida han nakalabay nga presidential elections.
