TACLOBAN CITY- Ginpaangbit hiton usa nga negosyante han syudad, nga waray pa igpapatuman an rice importation ban han imporeted rice in nagtikang na nga maghitaas an presyo han mga ine.
Sumala kan Frederic Dy, President Grains Retailers Confederation Eastern Visayas, pagtikang han Septyembre 1, kun diin ginpatuman na an total ban han imported rice, in maikokonsidera nga mahal hin duro an presyo hine, matungod nga gutiay an suplay ngan hitaas an demand.
Dugang pa hine, dire mangud maikakalirong nga an pira nga mga konsumidor in hi-ara na nga magkonsumo hin imported rice.
Ine in ha kaluyo nga harvest season han humay yana nga panahon.
Gintagan naman hin duon ni Dy, nga an nasabi nga total ban han importasyon hiton bugas, in pagbulig ha mga local farmers nga maibaligya an ira mga bugas ha presyo nga dire an mga ine ma-aalkanse.
