TACLOBAN CITY– Nagpagawas han ira opinyon an pira nga negosyante hiton bugas dinhi ha syudad, nga hira an magigin kairo ha ginpapatuman nga P29.00 nga presyo hiton bugas han gobyerno ha pira nga mga pili nga Kadiwa Outlet han Department of Agriculture.
Sumala kan Frederick Dy, President han Grains Retailer Confederation Eastern Visayas, ha kaluyo hine, nagbarato na gihapon an presyo han bugas kun diin an retail ha pagkayana in ada nala ha P50.00 an kada kilo.
Ginlalauman naman han pira nga mga negosyante, nga mahamubo pa an presyo han bugas ha mga masunod nga bulan, matungod nga damo an naabot nga imported nga bugas, ngan paru-padayon an harvest ha kahagrani nga munisipalidad.
Dugang pa han mao nga opisyal, ha pagkayana ada ha P2,500 an kada sako han imported nga bugas, samtang ada naman ha P2,300 an presyo han lokal1 nga bugas ha mercado.
Ha lain nga bahin, gin-aaghat la gihapon hine adton mga kosumidor nga pumalit han nasabi nga bugas nga gin-pagpatuman han gobyerno, matungod nga ine in barato ngan hirigayunon.
