TACLOBAN CITY – Naglalaom an pira nga mga negosyante han syudad han Tacloban, nga yana nga maabot nga bulan hiton Setyembre kun diin magigin katbari na hiton tubo ha Ormoc City, nga magkakamayda hin paggios an presyo han asukar nga kontroberysal nga himangrawon.
Sumala kan Hon. Colai Go Information Officer Tacloban Filipino Chinese Chamber of Commerce ngan Chairman Brgy. 41 Tacloban City,
nga naglalaom hira nga maubos an presyo han asukar ha masunod nga bulan, matungod nga ine in ginpupokusan na hiton gobyerno, ngan kumo usa nga negosyante, naglalaom hiya nga magparupadayon na an pag-ubos han persyo han asukar matungod nga dire la hira an naapektaran magin an mga konsumedor.
Mababaruan nga kaudgan nga mga negosyante han syudad in na-angkat hin asukar tikang ha Ormoc City, kun diin hine nga mga naglabay nga semana in nakaka-abat hira hin paghitaas han presyo han asukar, kadungan han pira nga mga pangunahon nga papliton.
Hapagkayana, in ginpapanmulat naman han grupo hiton mga negosyante nga matatagan na hin kasulbaran an paghinitaas han presyo han asukar, matungod nga dire na madugay in magkakat-bari na ha Ormoc City.
