TACLOBAN CITY – Nagpakaposisyon na an pira nga mga kapulisan ha syudad para hiton month-long celebration nga pagbubuhaton hiton syudad kasumpay hiton kapatrunan yana nga maabot nga Hunyo 30.
Sumala kan PMaj. Marjorie Manuta, Information Officer hiton Tacloban City Police Office, labot la han mga personnel han syudad in mayda yana 170 nga mga kapulisan an nagpakaposisyon ha bug-os nga syudad kaupod na an OPLAN-MAHARLIKA ngan iba pa nga mga nahidugang nga kapulisan.
Ha nasabi nga ihap in 50 han mga ine an mga patrollers kun diin hira adton maglilibot han syudad para manginano han seguridad han mga molopyo.
Manunumduman nga dida han nakalabay nga bulan in nagbutang na gihapon hin 50 nga mga kapulisan ha syudad kun diin an iba han mga ine ginposisyon ha Sangyawan Grounds para manginano han seguridad han nasabi nga lugar.
