TACLOBAN CITY– Nagpositibo an pira nga kabaybayonan ha Sinirangan Bisayas ha gindumara nga seawater samples, han Bureau of Fishers and Aquatic Resources (BFAR-8) ha red tide toxins.
Sumala kan Christine Gresola, Information Officer hiton Bureau of Fisheries and Aquatic Resources (BFAR-8), sanglit nga gin-aabisuhan han ira buhatan an publiko, nga likayan la anay an manguha, kumaon, ngan magbaligya han ngatanan nga klase hiton pangtion, sugad gihapon hiton hipon ngan alamang.
Samtang adi naman an mga kabaybayunan nga nagpositibo ha red tide toxins.
San Pedro Bay ha Basey, Samar
Cancabato Bay ha Tacloban City
Coastal Waters ha Guiuan, Eastern Samar
Irong-Irong Bay (Catbalogan City, Samar)
Matarinao Bay Eastern Samar (General MacArthur, Quinapondan, Hernani, and Salcedo)
Coastal Waters of Biliran Island
Pwede naman kumaon hin mga isda, nu-os, masag, nga tikang dinhe nga baybayon pero kinahanglan la nga hugasan hin maupay ngan lutuon ine hin maupay.
