-- Advertisements --
TACLOBAN CITY – Gin panbutangan hin mga fire hydrants an pira nga mga lugar ha norte hiton Tacloban.
Sumala kan SFO3 Arthur Aralar, Chief Operation hiton Tacloban City Fire Station, maabot ha walo ngada ha napulo nga mga fire hydrants an gin panmutang ha norte nga dapit hiton syudad.
Gin panbutang naman daw an nasabi nga mga hydrants ha main roads la hiton lugar kun diin an pinakaharayo daw hine nga nahimumutangan in didto ha may Kawayan nga area.
Panuyo daw ine nga mapadali an pagkuha han tubig in kaso nga nagkakamay-ada hin sunog ha norte nga dapit hiton syudad.
