TACLOBAN CITY – Maabot ha 30,000 nga mga estudyante ha kolehiyo ha bug-os nga Sinirangan Bisayas an nakatalaan nga makakakarawat ngan nakakarawat na han Educational Assistance nga ginpapanhatag nga para ha ira.
Han nakalabay nga adlaw in nagkaada hin Cash Payout ha mga estudyante nga nanabo ha Leyte Normal University nga kun diin, yinukot yukot nga mga college students nga aanhi ha syudad han Tacloban an nakakarawat han ira educational assistance nga nagkakantidad hin tag 5,000 ka pesos.
Sumala naman kan Abet Eviota, Congressional District Staff han Speaker Martin Romualdez and Tingog Party-list nga ira ginplaplano pa nga magdumara hin sugad hini nga distribution sunod nga tuig agud makaghatag hin bulig ha mga estudyante labi na nga target nira nga madugangan pa an mga benepisyaryo.
Dugang pa hine, ginkuha an budget han mao nga programa ha opisina ni House Speaker ngan 1st District Congressman Ferdinand Martin Romualdez ngan Tingog Party-list nga para ha nga tanan nga mga estudyante ha kolehiyo dinhi ha Sinirangan Bisayas.
Ini naman na an ira ika-4 ka higayon nga magkaada hin cash distribution mahuman an ira ginbuhat nga pag abre han aplikasyon.
Nakatalaan gihapon nga magdumara hin cash distribution ha iba pa nga parte han Sinirangan Bisayas para liwat makakarawat an iba pa nga mga college students nga aadto ha iba pa nga mga probinsya.
