TACLOBAN CITY – Ginpahibaro han Department of Education DepEd Regional Office 8, nga may pira na mga eskwelahan an nagsuspender han ira mga in-person classes dinhe ha rehiyon, matungod na iton naabat nga kapaso han panahon.
Sumala kan Jasmine Francisco Calzita, Information Officer han Department of Education DepEd 8, nga pira nga eskwelahan na an nagsumiter hin mga resiketos pagpasabot ha ira buhatan nga an mga ine in magpapatuman in blended learning modality.
Dugang pa han mao nga opisyal, nga pira ha mga nagpatuman han pagsuspender han ira in-person classes in an Baybay City kun diin mayda ine 4 nga eskwelahan an nahipatik nga nagpatuman han suspension, Biliran 6, Leyte Division 2 ngan sugadman an Tacloban City pero waray pa insakto nga ihap kun pira an nagpatuman dinhe ha syudad.
Madipende naman ha PAGASA weather forecast ma-basi an buhatan hiton DepEd, kun hamubo na an temperatura han kapaso in pwede na ine nga makabalik ha ira in-person classes.
