TACLOBAN CITY – Naghatag hin opinyon an usa nga ekonomista han syudad, kasumpay ha nagin paghamubo han infation nga naabat han tanan dire la dinhe ha rehiyon magin han bug-os nga nasud.
Sumala kan Prof. Christopher Bacungan, Economist Eastern Visayas State University, nga dako an nagin paghamubo yana han inflation matungod nga han nakalabay nga bulan in nakaghipatik ine hin hitaas kumpara yana nga bulan hiton Mayo nga mayda nala 6.6%.
Gintagan gihapon hin duon ni Bacungan, nga harayo pa ine ha target infation han Bangko Sentral ng Pilipinas, kun diin ada kinahanglan nga ada nala ha 2-4%.
Dugang pa hine, pira ha mga nakabulig han paghamubo han inflation in an paghamubo gihapon an pamresyuhan han
isda,utanon, ngan karne, kalakip ha mga ginkokonsidera han paghamubo hiton inflation in an gasolina, pamasahe, ngan an balyuay han salapi kontra dolyar.
