TACLOBAN CITY – Posible nga maapektaran an presyo han baboy dinhe ha rehiyon, pananglitan nga umigo ngan makasulod an African Swine Fever ASF.
Usa ha mga ginbabantayan an mao nga virus matungod nga nakikigdurungan ine ha na-eexperyensyahan nga El Niño dinhe ha rehiyon magin ha bug-os nga nasud.
Sumala kan Eugene Tan, President of Philippine Chamber of Commerce and Industry, nga dako an magigin epekto hine matungod nga usa ha mga pangunahon pagkaon an karne, kun diin numero uno nga maapektiran dinhe an mga hog-raisers, magtirinda ngan magin an mga konsumedor.
Dugang pa han mao nga opisyal, nga kun mahihimo kinahanglan nga maghimo hin pitad an kada LGU’s agud nga dire makasulod an mao nga virus.
Manunumduman, 2 katuig na an nakakalabay kadungan han pagbutho han pandemya humitaas an pampresyuhan han baboy matungod nga nagkulang an suplay hine durot na gihapon han pakasulod ha rehiyon han African Swine Fever ASF.
