TACLOBAN CITY – Nagpahimatngon an Bureau of Fisheries and Aquatic Resources (BFAR) Regional Office 8 ha publiko nga likayan la anay pagkaon o pagkonsumo han bisan ano nga klase hin pangtion ha mga kadagatan han rehiyon nga apektado han red tide toxins.
Sumala kan Dr. Juan Albaladejo, Regional Director han BFAR Regional Office 8, nagpapabilin nga positibo ha red tide an Cancabato Bay ha Tacloban City, Matarinao Bay ha General MacArthur Hernani, Quinapondan ngan Salcedo, Eastern Samar ngan sugadman an Carigara Bay ha Babatngon, San Miguel, Barugo, Carigara ngan Capoocan, Leyte.
Samtang, pinakasyahan naman nga higayon yana nga tuig nahipatik an red tide warning ha coastal waters han Guiuan, Eastern Samar.
Mahitungod hini in mahugot nga gindidiri an pagkuha, pagbaligya, pagpalit ngan pagkaon han tanan nga klase hin shellfish ngan sugadman an hipon o alamang tikang ha mao nga mga baybayon.
Padayon naman an monitoring han BFAR ha mao apektado nga kadagatan han Sinirangan Bisayas.
