TACLOBAN CITY – Gin abrihan na an mga bag-o nga tourist destination ha Eastern Samar para ha pagduso hiton turismo han nasabi nga lugar.
Sumala kan Neil Pinarok, Provincial Tourism Officer hiton Eastern Samar, dako an nagin epekto han pandemya ha ira probinsya kun diin pira han mga nakatago hine nga lugar nga pwede magin tourist destination in nagkadidiskubrihan dida han panahon han pandemya.
Usa han mga gindadasig nga tourist destination han Borongan City in amu an Hebacong View Deck kun diin makikita ha nasabi nga lugar kada kaagahon ngan kulupay an fog o burong kun diin sumala daw hiton ira mga kalagsan in amu an estado han Borongan City dida han dire pa ine sugad kaprogresibo.
Dire naman daw makuri an pag-access han nasabi nga lugar mahitungod nga sementado na an karsada hine.
Gin aghat gihapon hine an mga katawhan nga bisitahon an nasabi nga lugar.
