TACLOBAN CITY– Ginpahibaro han Tacloban City Commission on Elections, nga nagkamayda hin pagbabago ha mga aspirant candidates partikular na ha posisyon nga ira dadalaganan.
Sumala kan Election Officer, Tacloban City, Atty. Ramon Dadulla, nga subay ha ira kapot nga datos, nag withdraw han iya kandidatura pagka-alkalde han syudad hi aspirant candidate Rodel Malasaga ngan Renato Obispo, kalakip gihapon nga nag-withdraw han iya kandidatura pagka-bise alkalde hi Ma. Lourdes Supetran.
Samtang, nagpapabilin naman nga aspirant candidates hi incumbent Mayor Alfred S. Romualdez , ngan hi Michael Sumayod Dela Cruz.
Dugang pa hine, nagpapabilin gihapon nga aspirant candidates an duha nga Romualdez, pagka bise- alkalde han syudad.
Ginmalatumat naman hine, nga mayda gihapon natabo ruffling arrangement para ha mga partylist representatives.
Gintagan hin duon ni Dadulla, nga kasagaran gin-susunod han COMELEC an alphabetically arrangement han mga kandidato ha balota.
