TACLOBAN CITY – Nagtutuo an pira nga mga alkalde ha probinsya han Leyte nga naging komprehensibo an presentasyon ni Presidente Ferdinand Bongbong Marcos, Jr. ha iya pinakasyahan nga State of the Nation Address (SONA).
Sumala kan Atty. Norman Sabdao, Mayor han San Miguel, Leyte, naging maupay an presentasyon han presidente han iya mga plano ha masunod nga unom katuig han iya administrasyon.
Ha kaluyo hini in mayda naman daw pira nga mga isyu nga waray kahingadayi han pangulo sugad han pamakiana kun igpapadayon ba hini an war against illegal drugs han anay Duterte administration.
Baga baga gihapon daw hin ginpapinid han presidente an isyu bahin han human rights tungod nga waray ini niya ginmention ha iya SONA.
Ha kabug-usan, in naging malinampuson naman para kan Sabdao an first SONA han presidente ngan naglalaum ini nga matutuman han pangulo an iya mga ginpresentar nga plano ha pagpapakaupay han nasud.
