TACLOBAN CITY– Nakumpikar hiton Abucay Police Station 2 an pira nga mga paburothon nga waray permiso nga pwede igbaligya ha merkado publiko hiton syudad.
Sumala kan Abucay Police Station 2, Station Commander PMAJ. Shenna Layog, kahuman nira magkamayda hin meeting kun anu an ira hihimuon kasumpay ha mga paburothon ngan mga vendors nga dire otorisado ha pagbabaligya hiton paburothon, in dayon hira nagdumara hin inspection ha downtown area.
Dugang pa hine, subay ha ira nagin panginano, na-obserbaran nira nga mayda mga nagbabaligya gawas ha nakatudlok nga lugar nga otorisado ha pagbabaligya hiton paburothon nga nahihimutang ha may Grand Hotel hiton Tacloban.
Ginpaangbit pa ni Layog, nga nakakumpiskar hira hin, pop-pop, bingala, luces, ngan boga.
An nasabi nga mga nakumpiskar in delikado partikular na ha mga kabataan.
Nanawagan naman ine ha publiko, nga sumunod ha iginpapatuman nga mga aludayday kasumpay hiton talwas nga pagsalin-urog hiton bag-o nga tuig 2026.
