TACLOBAN CITY — Nakumpiskar an pira nga mga higtaas nga armas han mga gintutuohan kaapi han New People’s Army (NPA) ha mga Baranggay han Old Kauswagan, Saint Bernard, Sitio Tabjon, Brgy. Calag-itan, Hinunangan han Southern Leyte.
Sumala kan Col. Noel Vestuir, Commander han 802nd Infantry Brigade, ha bulig han mag-asawa nga mga anay rebelde nga ginkilala kanda alyas “Roc” ngan alyas “Jhon” in nakuha an mga dekalibre nga mga armas.
Nakumpiskar ha bulig han mga ini an usa nga AK47 rifle, 2 nga magazines, 1 nga M653 rifle, duha nga caliber 45 pistols, 14 rounds han 5.56mm ball cartridge ammunition ngan 3 nga M16 magazines.
Nakumpiskar gihapon an 1 nga M16 rifle nga nakada han plastic jug, 2 nga M16 long magazines ngan 2 water containers ha nasabi nga mga area.
Naiturn-over naman han mga concerned citizens an usa ka-unit hin Techblast tablet 3 units han cellphones tikang kan alyas “Matus/Manoy/Lope”.
