EASTERN SAMAR – Maabot nga 15 nga camper and riding tourists an utro nga bumalik ha Eastern Samar para mag-tour.
Sumala kan Eastern Samar Provincial Tourism Officer, Neil Pinarok, panuyo hine nga mga turista nga bumisita ha magkaduru-dilain nga bungto han Pilipinas para mag-tour.
Nagtikang an biyahe han mga ine ha Mapanas, Northern Samar ngan umagi ha Arteche ngan pumahuway anay ha Oras kahuman in naningudto ha Balangkayan Eco Park, ngan didto na nag-overnight ha usa nga beach ha Guiuan, Eastern Samar.
Ginbisita naman han mga ine an Pagnamitan Bridge nga mayda mga tidal pools, Linao Cave, ngan an kadidiskubre pala nga kweba nga kasapit la han Linao.
Dumiretso naman an mga ine ha Sulangan, ngan pumahuway ha Mangrove Eco Forest ha Guiuan.
Nagpatapod naman an pira ha mga ine nga mabalik ha nasabi nga probinsya para ha mas haru-halaba nga pag-tour han probinsya.
