TACLOBAN CITY – Nagpapabilin la gihapon nga positibo ha red tide toxins an pira nga mga baybayon ha sinirangang bisayas.
Sumala kan Dr. Juan Albaladejo, regional director han BFAR Region 8, nga subay ha latest nga laboratory results positibo la gihapon ha paralytic shellfish poisoning an baybayon han Cancabato ha Tacloban City, Irong-irong Bay ha Catbalogan Samar, Carigara Bay ha Carigara, Capoocan, San Miguel, Barugo, Babatngon, San Pedro Bay – Basey, Marabut ngan Samar area, Matarinao Bay- General MacArthur, Hernani, Quinapondan ngan Salcedo ha Eastern Samar.
Matungod hini in gindidiri la anay an pagpanguha, pagbaligya, pagpalit ngan pagkaon hin bisan anu nga klase hin pangti-on.
Ginklaro naman hini nga talwas nga kaonon an mga isda, pusit ngan masag pero ini in dapat nga limpyohan hin maupay ngan tanggalon an tina-e ngan lamang loob hini ugsa nga lutoon.
