Kadungan han paglasurbo han STY Uwan, nanawagan an pira nga animal welfare groups nga dire kalimtan an katalwasan han mga alaga nga hayop.
Ha ilarom han kampanya nga “No Pets Left Behind”, ginpahimatngunan han mga organisasyon sugad han PETA Asia an publiko nga ig upod an mga alaga ha ira evacuation plans.
Sumala ha mga ine, importante nga ig andam an pet emergency kit nga nagsusulod hin pagkaon, tubig, leash, ngan carrier agud masigurado an katalwasan han mga hayop.
Gintagan-duon pa han grupo nga dire dapat bayaan nga nakahigot o nakapreso an mga alaga ha mga panimalay, bungsaran, o atop mahitungod ha hulga han pagbaha ngan makusog nga hangin.
Dugang pa han animal welfare advocates, an mga evacuation center in kinahaglan magin abri ngan andam kumarawat hin mga alaga nga hayop agud malikayan an pagkakabulag han mga ine ha ira mga pamilya.
Nanawagan an mga grupo ha gobyerno ngan lokal nga otoridad nga ig upod ha rescue ngan disaster response an mga hayop, mahitungod nga kaparte an mga ine han kada kumunidad.
