INTERNATIONAL NEWS– Pira kayukot nga mga residente han Washington state an ginpagbakwit mahuman nga humitaas an lebel han tubig ha mga sapa matungod han pag-inuran.
Mahitungod ha insidente , ginsuspender an biyahe han Amtrak trains tikang ha Seattle ngan Vancouveer.
Nagdeklara na gihapon an statewide emergency ha Washington matungod han duro nga pag-inuran.
Gumamit naman hin helicopter an mga rescuers para buligan an mga residente harani ha Sultan, Washington nga na stranded matungod han pagbaha.
Ginkakabarak-an gihapon han mga otoridad an paru-padayon nga pag-apaw hiton walo nga pangunahon nga sapa nga nakapalibot ha Washington.
Ginmanduhan na ni Washington Governor Bob Ferguson an mga National Guard nga rumesponde ha mga apektado hiton pagbabaha.
