TOP–Ginsuspendi han Office of the Ombudsman an pira ka opisyales han Department of Public Works and Highways (DPWH) ha Davao nga nahiupod ha flood control scandal.
Basar hanginpasaka nga ikaduha nga ‘major case’ han Ombudsman ha flood control, gin-isyuhan hin ‘preventative suspension’ an mga opisyal ha nahiupod ha korapsyon.
Ginsumpahan kasi hin kaso nga Malversation fo public Funds through Falsification of Public Documents ngan pagtalapas han Section 3(e) han Republic Act 3019 o Anti-Graft and Corrupt Practices Act an 8 ka ‘public works officials’ kalakip na an kontratista nga hi Sarah Discaya.
Sumala kan Assistant Ombudsman Mico Clavano, kalakip han suspensyon an diri mabayaran o maswelduhan an mga ini habang nagpapadayon o di pa nareresolba an kaso.
Ginsumpahan an mga opisyal hin kaso mahuman nga nakolekta an sakto nga basehan an Ombudsman ha nadiskubre nga ghost flood control project ha Davao Occidental nag ginpondohan han 96.5 milyon piso.
Kun kaya eksplenasyon han Assistant Ombudsman na an pagpataw hin suspensyon in usa nga preventive action para dire maka-apekto an mga respondente ha kaso.
Giniiwasan daw kasi hini an pag-tamper nira ha mga ebidensya nga matatad-an ha ira mga opisina.
Ginbahagi pa ni Ombudsman Spokeseperson Clavano nga ginrerekomenda an ‘no bail’ para ha ginaatubangan nga malversation case han mga respondents.
Karuyag signon, kun ighatag ini han korte, dire na makakag-piyansa hi Discaya ngan mabibilin nga nakadetene habang nagpapadayon an hearing han mao nga kaso.
