Ginpahayag ni anay House Speaker Martin Romualdez ha iya supplemental counter affidavit nga pira ha 25 nga anay security aides ni Ako Bicol Party-list Representative Elizaldy Co in gin-aghat ni Atty. Levito Baligod nga umupod ha 18 bodyguards.
Ini in basar ha affidavits of denial ngan non-participation nga ginsalawad han 25 security aides, kun diin ginpahayag nira gin-aghat hira ni Baligod nga umupod ha 18 bodyguards, nga inisyal nga gintawag nga 18 ex-Marines,kabalyo han gin-aalegar salapi ha luyo han iya waray personal nga hibaro ha mga butang nga igpapahayag.
Hi Baligod an tumindog komo abogado han 18 bodyguardsa nga nagin 14 na la mahuman mag-recant o bawion an ira nauna nga mga salaysay.
Nakasurat gihapon ha mga affidavits nga waray ginbuhat nga deliveries an tanan nga 25 nga security aides ha kabug-usan han ira employment tubtob 225 ngan 2026 baliktad ini ha mga alegasyon han 18 security aides kontra kan Romualdez.
