TACLOBAN CITY – Nakatalaan na nga pagdumaraon yana nga adlaw an Pintados-Kasadyaan Parade ha syudad hiton Tacloban.
Sumala kan Eugene Tan, Presidente hiton Pintados Foundation Inc., gin release na han nakalabay nga adlaw an parade permit nga ira gin pasa ha Business Permit Licensing Division (BPLD) kun diin magtitikang ine hiton ala-una hiton kulop.
Pagsusubayon naman hine an ruta tikang ha Old Capitol Building Magsaysay, ngan maagi ha Sen. Enage St. maliko ine ha tuo han Justice Romualdez St., ngan mapa-wala naman ha Rizal Avenue, ngan maliko pa wala ha may Avenida Veteranos Avenue, ngan utro maliko pa-wala ha Real St. ngan pa-wala na liwat ha Justice Romualdez St. kahuman in mapa tuo pag-abot ha Sen. Enage St. ngan mabalik ha Old Capitol Building para han mga ritual presentation.
Manunumduman nga waray igtugot an RTR Plaza hiton syudad para naman gamiton hiton Pintados Foundation para han ira activity area.
