TACLOBAN CITY– Nagpapamulat an organization hiton Pintados Kasadyaan Foundation, ha magigin baton hiton City of Tacloban kun tutugutan ba an mga ine nga makagparada kumo pakiki-usa na gihapon ha tikaharani nga kapatrunan hiton syudad.
Sumala kan Eugene Tan, Presidente hiton Pintados Foundation, nga han nakalabay pa hira nga bulan hiton Pebrero o Marso nagpasa hin surat para mag-aro hin permiso, pero kutob yana in waray pa hira katatagi hin katugutan.
Ha kaluyo nga waray pa hira nakarawat nga permiso, padayon la gihapon an ira ginhihimo nga pangandaman ha pagdudumaraon nga parada ha Hunyo 27, 2024.
Naglalaom naman ine, nga magigin positibo an hiton lokal nga pangobyernohan hiton syudad, agud nga magkamayda gihapon hiya hin mahuyahay nga panhuna-huna, matungod nga kumo usa nga organizer, makuri an waray kasiguraduhan ha mga nakalinyada nga plano.
Ginmalatumat hine nga nakasulod ha permiso nga ira gin-aaro ha syudad, an pagtugot ha paggamit han mga main road agud nga makag-parada an mga ine ha tidaraon nga kapiyestahan hiton syudad.
