TACLOBAN CITY- Padayon la guihapon nga huruhimangrawon an guinbuhat nga paglangoy han guinkikilala nga
“Pinoy Aquaman” tikang ha Limasawa Island tipakadto ha Padre Burgos ha Southern Leyte kumo pakiusa han ika-496 nga pagtigaman han syahan nga Christian mass ha bug-on nga nasud Pilipinas.
Mababaruan nga guinkikilala nga “Pinoy Aquaman” an 40 anyos nga hi Atty. Ingemar Macarine, usa nga environmental lawyer ngan triathlete.
Nahisabutan nga nag-escort ha paglangoy ni Macarine an Bantay Dagat ngan Coast Guard ha 10.34-kilometros nga durudiritso nga paglangoy hini.
Samtang, guinduon naman ni Macarine nga gawas la han pag promote han First Mass ha Limasawa, panuyo guihapon han paglangoy hini ha open sea nga aghaton an mga katwhan nga proteheran an kadagatan.
