LLORENTE, EASTERN SAMAR – Gin pasabot ni Llorente Municipal Police Station Chief of Police, PCpt. Bermodo Gulo III nga ‘generally peaceful’ an kabug-usan han piniliay ha Llorente, Eastern Samar bisan paman kun mayda nahipatik nga pira nga gudtiay nga isyu sugad han pagkakadebate han magka-luyo nga partido.
Waray gihapon may nahipatik nga mga dire ginlalauman nga panhitabo mahitungod na gihapon han ginpasarang nga mga magkaduru-dilain nga otoridad tikang ha mga regional offices, sugad han 32 nga PNP personnel, sobra 48 nga kasundaluhan, ngan duha nga coastguard para ha island municipality han nasabi nga bungto.
Nagtikang an deployment han mga otordidad dida han Mayo 6, kadungan han pagdeliver han mga Automated Counting Machines ha mga ginamit nga polling places, ngan nag-iha kutob ha pagkuha han mga election paraphernalia.
Ha lain nga bahin, usa naman an nahipatik nga gindara ha hospital tikang ha usa nga voting center mahitungod han high blood ngan paglain han tiyan.
Dayun naman nga narespondehan han mga naka-standby nga medical team an nasabi nga mga insidente.
