Gindayaw ni Historical Sites Development Officer II Eufemio Agbayani III han National Historical Commission of the Philippines hi Pinay tennis star Alex Eala mahitungod ha ginpakita hini nga pagrespeto ha pambansang watawat.
Kasunod ini han nagsarang nga video kun diin makikit-an nga naaro hina autograph an mga fans ha DC Open champion. Usa ha mga fans an nag-hangyo nga pirmahan ni Eala an Philippine flag, pero may respeto nga ginbaribaran ini han atleta.
Basar ha RA No. 8491 o Flag and Heraldic Code of the Philippines, mahugot nga igindidire an pagsusurat o pagbubutang hin bisan ano nga marka ha national flag kun diin, may kaangayan nga sirot an mga matalapas ha nasabi nga probisyon.
Bisan man gutiay la ini nga pitad ni Eala, dako an simbolo nga ginhimo han tennis star, an iya marig-on nga respeto ha watawat nga iya ginpaparayaw kun namulay hiya ha sakob han tennis court.
