ODD NEWS– Usa nga dako nga stingray (pagi) an nabingwit ha Mekong River ha Cambodia. An pagi in may kadako nga 13 feet ngan nagtitimbang hin 300 kilograms. Subay ha mga scientist, ini na an pinakadako nga isda nga tab-ang ha bug-os nga kalibutan!
Nabingwit ini han uusanga parupangisda ha Stung Treng, Northeastern Cambodia. Matungod ha pambihira nga kadako han pagi, dayon tumawag an parupangisda hin mga siyentipiko tikang ha Wonders of Mekong project, usa nga research project ha pagitan han Cambodia ngan United States of America.
Ha pakipaghimangraw ha lead researcher, han Wonders of Mekong nga hi Zeb Hogan, ginpahayag hini nga namangha hiya nga mayda kapasidad dumako an usa nga pagi ha environment nga sugad han Mekong River.
Subay kan Hogan, damo nga environmental challenges nga ginkakaharap an Mekong River ngan nakapaghatag hin paglaum ha iya an pagbutho han dako nga pagi.
Gin-ngaranan han parupangisda an pagi nga hi “Boramy” nga an karuyag signgon tikang ha Khmer in “Full Moon”. Labot ha ka-shape hin bulan an pagi, nadakop ini dida han full moon.
Mahuman nga eksaminon an pagi, ginpahayag ini han mga siyentipiko han tagging device san o buhian tikang ha sapa. Ini in agud ma-monitor nira an gios han pagi ha Mekong River.
Kumo pabuya ha parupangisda ha pagtawag niya ha Wonders of Mekong imbis nga igbaligya ha merkado an pagi, gintagan hiya hin kabayaran nga $600.
