INTERNATIONAL–Tumalikod na ha kadayunan an anay Bangladeshi Prime Minister Khaleda Zia ha edad nga 80.
Ginkonpirma ini han iya partido nga Bangladeshi Nationalist Party (BNP) pero waray pa ini ginpahayag an rason han iya kamatay.
Hiya an syahan nga babayi nga gintudlok kumo prime minister han Bangladesh.
Umatubang ini ha mga korapsyon kun diin gindiwara niya ngan ginmalatumat nga pamomolitika la an mga motibo hini.
Han Enero naman in na acquit hi Zia ha pinakaurhi nga kaso hin kurapsyon hini han 2020, kun diin ginhangyo han pamilya hini kan anay Prime Minister Sheikh Hasina nga kun pwede in tugutan hiya nga magpapatambal ha iba nga nasud pero waray ini gintugutan.
Mababaruan naman nga mahitungod ha pag-aon ni Zia ha military dictatorship hiya in nagtikang hin haluag nga gios protesta hangtod nga natanggal an anay army chief H.M. Ershad han 1990.
Nagin pangulo hi Zia han 1996 ngan bumalik ha pwesto han 2001 kutob 2006.
Mahuman an pagtatangmangulo ha pwesto hin 15 katuig in ginpatalsik hiya pinaagi hiton haluag nga gios protesta han Agosto tuig 2024.
