Pinaka hilaba nga tulay nga himo ha salamin, makikit-an ha China

ODD NEWS- Gin-abrehan na ha publiko an ginsisireng nga pinakahilaba nga tulay ha kalibutan nga himo ha salamin.

Ine in makikit-an ha Zhangjiajie Grand Canyon Bridge hiton Hunan, China.

An mao nga tulay in may kahilaba nga 1,400 ft. ngan may kahitaas nga  1,000 ft.  ngan gindesinyo ine han Israeli architect nga hi Haim Dotan.

Mababaruan nga ugsa ine nga abrehan ha publiko in umagi anay ine ha safety checks agud nga masigurado an katalwasan han mga matabok ha mao nga tulay.

Ginlalauman naman han mga  opisyal ha China nga kikilal-on an ira  glass bridge kumo masunod nga  “Won­der of the World.”