ODD NEWS– Ginlunsar han kompanya nga Shimadzu Corp. ha Japan an usa nga optical lattice clock nga gintutuohan nga pinaka-eksakto nga orasan ha kalubutan.
An orasan in gintawag nga Aether Clock OC 020 in mas accurate hin 100 ka-beses kumpara ha presente nga cesium atomic clocks ngan nagdudugay hin 10 bilyon katuig ugsa nga magsayop hin usa kasegundo.
Baga-baga hin gutiay nga refrigerator an disenyo hine, pero gamit an advanced nga teknolohiya, pwede ine magamit ha pagsubaybay han linog, pagios hiton crust han earth, ngan iba pa nga siyentipiko nga pag-aram.
Nagtikang na kumuha hin order an Shimadzu para ha orasan, nga nagkakantidad hin $3.3 milyon (P186 milyon) kada-unit.
Mababaruan nga mayda na usa nga nakapalit han nasabi nga orasan, ngan panuyo han kampanya nga makagbaligya hin 10 ka-unit ha sulod hin 3 ka-tuig, kun diin ginlalauman han mga research institutions nga damo an mag-iinteres ha nasabi nga orasan.
An Aether Clock OC 020 in ginkokonsidera nga pinaka-eksakto nga orasan ha bug-os nga kalibutan.
