NATIONAL – Gin kumpirma han National Council on Disability Affairs (NCDA) nga titikangan na ha Hulyo an pilot testing han Unified Persons with Disabilities (PWD) ID System ha 35 nga syudad ngan bungto ha nasud agud puypuyon an paggamit han peke nga PWD ID nga nagdudurot hin bilyon piso nga pagkalugi ha gobyerno.
Sumala kan NCDA Executive Director Glenda Relova, panuyo han bag-o nga sistema nga magkamay-ada hin uusa nga disenyo ngan issuing authority agud mas madali nga mapamatud-an an pagigin lehitimo han PWD ID.
Mayda ine RFIP ngan digital version para ha mas talwas nga paggamit.
Subay ha report ni Senador Sherwin Gatchalian, umabot ha P88.2 billion an nawawara nga buwis dida han 2023 mahitungod ha peke nga PWD ID.
An registration in magigin digital, pero pwede nga pumakadto ha mga opisina an mga aplikante kun kinahanglan.
An mga Persons with Disability Affairs Offices (PDAOs) in hahag-iron para bumulig ha pagpaparehistro.
Samtang, magpapabilin nga valid an luma nga PWD IDs ha sulod han usa katuig mahuman an rollout han unified ID, ngan ginpapahimatngunan an mga establisyimento nga padayon ine nga karawton.
