NATIONAL NEWS– Gintagan hin duon nira Pangulong Ferdinand Marcos Jr ngan German President Frank-Walter Steinmeieir nga papakusgon han duha nga nasud an sumpayan ha mga importante nga sektor kalakip na an depensa, peacebuilding, maritime cooperation, kalakalan ngan pamumuhunan.
Ginhimo han duha nga leader an ira commitment ha gindumara nga bilateral meeting yana nga adlaw ha Palasyo han Malakanyang.
Ha nasabi ngapaghihimangraw, ginpaghimangrawan nira Pangulong Marcos ngan Pres. Steinmeier an mga pitad kontra ha climate change, pag-papauswag han renewable energy, ngan an pagpapadig-on han people-to-people exchanges.
Nagpasalamat naman hi Pangulong Marcos ha suporta han Germany partikular kan German President Frank Walter Steinmeier ha modernisasyon han Philippine Coast Guard (PCG) ngan ha pagdepensar ha balaod ha West Philippine Sea subay ha 2016 Arbitral Award.
Ha himangrawon militar, tulo katuig na gihapon nabulig an Germany kumo observer ha tinuig nga Balikatan exercises.
Gindayaw gihapon han Pangulo an kontribusyon han sobra 45,000 Pilipino ha Germany, partikular na an mga nars ngan iba pa nga propesyonal, nga nagseserbi nga madig-on nga tulay ha pagigin magka-alyado han duha nga nasud.
Ginpahayag ni Pangulong Ferdinand Marcos Jr. nga makasaysayan an pagbisita ha nasud yana nga adlaw ni German President Frank Walter Steinmeier.
Dugang pa han Pangulo, matungod ine an syahan nga higayon mahuman an 23 katuig nga utro may bumisita nga Pangulo han Germany ha Pilipinas.
Manunumduman nga an urhi nga pagbisita han pangulo han Germany in han 1063 panahon ni anay Pangulong Heinrich Lubke.
