NATIONAL–Ginpaubos na han Philippine Institute of Volcanology and Seismology (PHIVOLCS)b an alert status han Bulkan Bulusan tikang ha Alert Level 1ha Alert Level zero (0).
An pitad na ini in kasunod han pagpaubos han kabugusan nga monitoring parameters nga naobserbaran ha bulkan, kalakip an volcanic eathrquakes, gas emissions, ngan iba pa nga indikasyon hin aktibidad.
Sumala ha PHIVOLCS, nangunguruyag-sidngon an Alert Level 0 nga an Bulkan in ada ha normal nga kondisyon ngan waray na nakikit-an nga ayat hin pagbuto ha presente.
Sugad paman, ginpapasabot la gihapon an publiko nga magpabilin nga mag-ikmat mahitungod nga nagpapabilin nga aktibo nga bulkan an Bulusan ngan possible ine nga magpakita na naman hin aktibidad.
An Bulkang Bulusan in matatad-an ha Sorsogon, in usa ha mga aktibo nga bulkan ha nasud ngan kilala ha patigda nga pagbuto nga nagdudurot hin ashfall ha mga higrani nga lugar.
Ha pagpaubos han alert status, ginlalaoman han mga residente nga mas magigin talwas an ira pagkinabuhi, pero padayon la gihapon nga naka andam an lokal nga pangobnyernuhan para ha ano man nga posible nga pagbabag-o ha aktibidad han bulkan.
