NATIONAL NEWS– Padayon nga ginbabantayan han Philippine Red Cross (PRC) an haluag nga pagbaha ngan landslide matungod han Shearline.
Nagpapabilin nga dire maagian an spillway pakadto ha Dugui Too, samtang limitado la ha light vehicles an ginpapa-agi ha Danicop spillway.
Ginsagdunan naman hine an publiko nga maghirot matungod a padayon nga pag-apaw han Bato River.
Naitala naman an pagbaha ha Hinipan, Bagamanoc, kun diin umabot kutob ha hawak an kahitaas han tubig-baha.
Samtang patuhod naman an baha ha Rizal (Viga), Camburo (Caramoran), ngan Biong (Gigmoto).
Nagkamayda naman hin mga pagpanpan hiton tuna nga nagdurot han pagkakamayda hin limitado nga maagian ha pira nga parte han Viga, San Miguel, Pandan, Caramoran, ngan Panganiban.
Presente gihapon nga gindudumara an search and verification para ha usa nga tawo nga nawawara a Obo, San Miguel.
Naka-andam gihapon an Search and Rescue ngan Ambulance teams nga nakikigsumpayan ha LDRRMO ngan RC 143 volunteers.
Labot la ha Catanduanes, naapektaran gihapon han pagbaha an pira nga lugar ha Camarines Norte gaya ng Daet, Basud, Labo, San Vicente, Vinzons, Talisay, San Lorenzo, Mercedes, ngan iba pa nga kahagrani nga lugar.
